Zer da teknologia?

 

Jaten ari zarenean, esate baterako, teknologiak sortutako tresnak erabiltzen dituzu: labana, koilara, platera… Baita ibiltzean ere: oinetakoak, autoak, trena, hegazkinak…. Ikasteko: liburuak, ordenagailuak, kalkulagailuak… Edo jolasteko: ziba, baloia, irristailua (patinetea)… 

 

Gaur egungo bizitzan, gizakiak egindako objektu eta tresna ugari aurki genitzake, eta zaila egiten zaigu gauza horiek gabeko mundua imajinatzea, gauza horiek guztiak normalak, naturalak, iruditzen baitzaizkigu. Hala ere, objektu horiek guztiak teknologiak sortutakoak dira, gizakiaren asmakizunak, alegia.  

Arazo bat konpontzeko lehendabiziko tresna erabiltzen edo asmatzen hasi zenean, gizakiak teknologia sortu zuen; eta tresnak erabiliz, arazo bati erantzuna ematen aritzen garen bakoitzean, teknologia egiten ari gara. 

 

Hala ere, teknologiak sortutako tresnaren edo makinaren bat ere erabil genezake gure bizitzan, geuk teknologiako lanik egin gabe.  

 

Ea asmatzen duzun ondorengo ekintzetan noiz ari garen teknologia egiten eta noiz erabiltzen. 

                                                                                     ERABILI                   EGIN                    BAT ERE EZ 

                                                                                      Bai Ez                    Bai Ez 

Oporretara hegazkinez joan 

Matxuratutako bizikleta konpontzen ahalegindu 

Bazkaria berotu (etxean) 

Dutxan kantuan aritu 

Gustuko film bat grabatzeko bideoa programatu