Materialen eroankortasun

 Materialen eroankortasun elektrikoa 

 Materialak euren ezaugarrien arabera sailkatzeko garaian, irizpide asko erabil daitezke. Irizpide horien artean, eroankortasun elektrikoarena da bat.  

 

 Izan ere, material batzuek korronte elektrikoa eroateko gaitasun ona dute (eroale onak dira). 

 

 Beste batzuek eragozpen edo erresistentzia handiagoa ezartzen diote korronte elektrikoari, eta erresistentzia horren arabera, eroale hobeak edo okerragoak izaten dira.  

 

 Beste zenbait material, azkenik, ez dira eroaleak, isolatzaileak baizik. 

 

 Ikerketa-jarduera honetan, bi ariketa proposatzen dizkizuegu.  Batean, materialen eroankortasuna aztertuko duzue, eta bestean, eroale moduan erabiltzen diren materialen osaera nolakoa den aztertuko duzue. 

 

 • Egin ezazue hemen beheko argazkian agertzen den muntaketa, osa ezazue proposatzen dizuegun saiakuntza, adierazitako bideari jarraituz, bete ezazue 

hurrengo orrialdeko taula, eta erantzun iezaiezu ondoren datozen galderei. 

 

 1. ariketa. 

 Egin itzazue saiakuntza honetan proposatzen dizkizuegun bi ariketak, adierazten dizuegun bideari jarraituz: 

 

 1. Osa ezazue hemen alboko argazkian ageri den muntaketaren antzeko bat.

 2. Zuritutako bi kable muturrez, uki ezazue probatu nahi duzuen materiala. 

 3. Korronte elektrikoa eroan eta bonbilla pizten bada, begi-bistakoa izango da aztertzen ari zareten materiala eroalea dela, eta bestela, ez-eroalea edo isolatzailea dela.  

 4. Behar dituzuen kontsultak eta probak egin ondoren, osa ezazue hurrengo orrialdean agertzen den taula. 

 6. Taula osatu ondoren, erantzun iezaiezue hurrengo orrialdean proposatzen dizuegun 2. ariketako galderei.   

 PROBATZEN ARI GAREN MATERIALA                                               EROALEA                               EZ-EROALEA 

 Zilarra 

 Latorria 

 Plastikoa  

 Burdina 

 Kortxoa 

 

 2. ariketa. 

 Begira iezaiozue arretaz beheko irudi horri, eta behar dituzun kontsultak egin ondoren, erantzun hemen jarri dizkizuegun galderei.  

 1. Honako hauetatik, zein material erabiltzen da gehien hari eroaleak egiteko?  

 

 Azpimarratu erantzun zuzena: 

 Kobrea 

 Zilarra 

 Aluminioa 

 Burdina 

 

 2. Zergatik erabiltzen dira material horiek eta ez beste batzuk? Azpimarratu erantzun zuzena: 

 Arinak direlako 

 Eroale onen artean merkeenak direlako 

 Ez direlako herdoiltzen  

 3. Zerez estalita daude eroale horiek, korronte elektrikoa eroateko hari horiek? ............ 

 4. Zergatik erabiltzen ote da material hori eroaleak estaltzeko? 

 

 Azpimarratu erantzun zuzena: 

 Koloreztatzen erraza delako 

 Material isolatzailea delako 

 Bestela metalezko hari meheak berehala etengo liratekeelako 

 Barneko haria hezetasunarekin ez bustitzeko