Plano inklinatuen errepresentazioa
Pieza zilindrikoak, ezkutukoak eta plano inklinatuak aipatu genituen bistak egiteko zailtasun nagusiak adieraztean. Plano inklinatuei dagokie txanda orain.
• Plano inklinatuak dituzten bi pieza hauen zenbait bista egiteko proposatzen dizugu ondoren datozen bi ariketetan.
![](/sites/default/files/blokeak/1_zikloa/1_maila/marrazketa/bistak.png)
1. ariketa. Hor goiko marrazkietan ageri diren bi piezen aurretiko bistak egiten hasi da marrazkilaria, baina amaitu gabe utzi ditu. Bista horiek osatzeko, urrats hauek eman behar dituzu:
a) Pieza bakoitzean plano inklinatuaren lau erpinak zenbaki banaz izendatu.
b) Izendatutako erpin horien kokapena adierazi bistetan.
c) Lerro zuzenez elkartu puntu horiek, plano inklinatuaren irudia osatzeko.
![](/sites/default/files/blokeak/1_zikloa/1_maila/marrazketa/bistak_1.png)
2. ariketa. Oraingoan gauza bera egin behar duzu goitiko bistak egiteko. Konturatuko zaren bezala, planoaren adierazpena ez da aurrekoan bezalako izango.
Fitxategia: