Informazioa biltzea: lehen urratsa

 

INFORMAZIOA BILTZEA 

 

ZERI BURUZ? 

Operadore mekanikoak

Operadore elektrikoak

Materialen ezaugarriak

Fabrikazio-teknikak

Erreminta motak 

…

 

NON AURKITU?   

Objektuak eta sistemen azterketa  Enpresetako katalogoak   

Kontsulta-liburuak  

Irakasleei, teknikariei… egindako galderak  

… 

 

Proposatu ditugun arazoetatik bat aukeratu duzue aurreko atalean; orain, arazo horri aurre egiten hasi behar duzue, eta lehendabiziko lana, arazo horri buruz ahalik eta informaziorik gehien biltzea izango da. Informazio horrek arazoa zertan datzan zehazten lagunduko dizue, alde batetik, eta arazoari irtenbideak bilatzeko garaian ere, datu horiek guztiak oso ondo etorriko zaizkizue, bestetik. Gainera, informazioak asko lagunduko dizue proiektuaren diseinu egokia asmatzen eta garatzen. 

 

• Zuek aukeratu duzuen arazo hori orokorragoa egiten saia zaitezte (pisuak igo, desplazatu…), ahalegindu zaitezke jarraian ageri diren galderei eta zuei bururatuko zaizkizuen beste zenbaiti erantzuten.  

 

1. Arazo hori gaur egunekoa da ala gizakiak betidanik izan duena? 

 

2. Historian zehar egin diren eraikuntza handietan, zer bitarteko erabili izan dituzte elementu pisutsuak igotzeko? 

 

3. Nolabaiteko eraikuntza edo tramankulurik asmatu al da arazo hori gainditzeko? Zein? 

 

4. Tramankulu egokirik baldin bazen (edo baldin bada), zer materialez egiten ziren (eta dira)?  

 

5. Zer egitura antzeman dituzu arazoari erantzuna emateko? Zein da, zure ustez, forma edo itxura hori edukitzeko arrazoia? Gogoratu lehenengo unitatean egiturei buruz ikasi zenutena. 

 

5. Gizakia zer energia-iturriz baliatu izan da?